Ready Set Go

शाळा ही व्यक्तिमत्त्व घडविणारे केंद्र आहे,

संस्थेचे आघ संस्थापक कै. गो.ना. अक्षीकर यांना प्रथम विनम्र अभिवादन! त्यांनी स्वातंत्र्य पूर्व काळात ज. ए. इ.संस्थेच्या निरनिराळ्या ठिकाणी शाळा काढल्या.सुरुवातीला माध्यमिक शाळा सुरू केल्या.

हायस्कूल कल्याणच्या शताब्दी वर्षात प्राथमिक शाळेचा पहिला विद्यार्थी हा माध्यमिक शाळेत येईल असे नियोजन केले.१७ जून १९८५ पासून प्राथमिक शाळेची स्थापना करण्यात आली.यासाठी कै.गुरुवर्य सी.एम. पुराणिक सरांच्या पुढाकाराने व त्या वेळचे मुख्याध्यापक श्री मणेरीकर सर माध्यमिक शिक्षक शिक्षकेतर व संस्था पदाधिकारी यांनी खूप मेहनत घेतली. यासाठी स्थानिक नागरिक व माजी विद्यार्थ्यांनी उत्तम प्रतिसाद दिला.

प्राथमिक शाळेचा दर्जा सतत उंचावत आहे. शाळेत प्रशिक्षित शिक्षक वृंद आहेत.शाळेत विविध प्रकारचे उत्तम दर्जाचे सांस्कृतिक कार्यक्रम, विविध उपक्रम, प्रकल्प, उत्तम सहली, क्रीडा स्पर्धा,विज्ञान प्रदर्शन,आनंद मेळावा,तज्ञांची मार्गदर्शक व्याख्याने आयोजित केली जातात.

काळाची गरज ओळखून शाळेने इयत्ता पहिलीपासून सेमी इंग्रजीचे वर्ग सुरू केले. संस्कृत विषयाची गोडी लागावी म्हणून आम्ही गेल्या दोन वर्षापासून संस्कृत भाषेचे ही ज्ञान शाळेतर्फे देत आहोत.आपल्या शाळेत भारतीय संस्कृतीची जोपासना केली जाते. त्यासाठी विद्यार्थ्यांना निरनिराळ्या सणांची ओळख करून सण साजरे केले जातात. निरनिराळ्या स्पर्धा,शालेय बाह्य स्पर्धेत सहभागी करून त्यांच्या कलागुणांना वाव दिला जातो व स्पर्धा परीक्षेत ही सहभागी केले जाते.

कोरोना महामारी चे संकट मार्च २०२० पासून सुरू झाले.व शाळा बंद झाल्या जून २०२० मध्ये आमच्या संस्थेचे संचालक श्री. पाठकसर श्री. सरदेसाई सर यांच्या प्रयत्नाने “मायक्रोसॉफ्ट टीम ॲप” घेऊन आम्ही जून २०२०-२१ मध्ये ऑनलाईन शाळा सुरू केली. पालकांची आर्थिक अडचण असूनही त्यांनी जमेल तसे शालेय फी भरून आम्हाला सहकार्य केले.

ऑनलाइन शाळेतही शालेय व सहशालेय उपक्रम तसेच शिक्षकांनी प्रत्येक सणांचे व्हिडिओ बनवून ऑनलाइन उपक्रम राबविले.अशी ही आमची शाळा विद्यार्थ्यांचा सर्वांगीण विकास करून त्यांचे व्यक्तिमत्व घडविण्यासाठी सर्वतोपरी प्रयत्न करते.

धन्यवाद !!!!
सौ. कल्पना संजय पोतदार
मुख्याध्यापिका
ज.ए.इ.ची सी. एम. पुराणिक प्राथमिक शाळा, सुभेदार वाडा कल्याण (प.)